بيوت هياكل.. عظم مدمرة
ما عاد .. فيها أرواح
محروقة بقذائف .. حمم نار
وحيطانها منخلة.. برصاص سلاح
ويلي ع اللي.. تركها وراح
من بعدهم.. سكنها أشباح
شو قيمة.. حجار البيت
وسكانو تحت.. الردم فاح
نيالو اللي ..نال الشهادة
واندفن بتراب.. الوطن وارتاح
ويلي ع اللي.. شاف الموت
وعاش.. وكلوا ألم وجراح
مين يسكن.. آلام جوعهم
ويروي عطش .. آلاف أرواح
لا خيمة .. تأويهم من
قذائف الموت .. وعواصف الرياح
صاروا بوطنهم .. جياع مشردين
أرواحهم حصيدة .. ودمهم مستباح