في فلسطين الجنة اهداب ربيع ذهبية

اسماء محبة وجمال

 رقصات سنابل برية

احلى ميلات وغنجات للحنون

غزل عشق السماء للأرض وعشق الأرض لانسانها

 ما اجملك يا ارض الميرمية والزعتر

الهوا فيك من عبير الزهور معطر

 الجنة وطن.. والوطن جنة

فيها الشعر والنثر والروايات

فيها الفصول ازهار قصص وحكايات

 نوار اشكال الوان

حتى الجمال يحسدنا على روائعها

في الجنة فلسطين موسيقى بتبصرها العين

موسيقى زهور تعشقها العين قبل الاذن في كل الأحيان

في فلسطين الجنة الضوء بيرسم للبصر آيات

 بالحب نشوف الجنة بسندسها.. بأزهارها المتشابهات

 هون بفلسطين الزهور قصيدة حب

 مكتوبة بحبر قوس قزح

رسالة سلام للانسان اللي بدو معنا ومنا السلام

فلسطين الجنة للانسان اللي بيحبنا..

اللي قلوبنا معاه وعليه ارق من الحنون

لكن في فلسطين الجنة شوك بدرب اللي مصمم عالأذى

شوك ولا اجمل لكن وخزاته بتوجع اللي ضميره ضاع واستكبر

فلسطين الجنة... سيمفونية... غنيّة... قصيدة للحب للحرية للسلام.